Słuchejcie yno.... Kery nas nie zno to niech pozno.
Co robiymy? fedrujymy soft. Roztomańty – na skrzinie domowe, na mobajle, stawiomy geszefty w internetach i jeszcze inne pieroństwa. Dupiymy przi tych łonych już doś pora lot. Sprzedujymy to u nos na Ślonsku nikiedy ale też i tam dali w Polsce. Ale nie yno bo na zachod tyż robiymy. Skuli tego że momy mocka roboty to szukomy Program majstera
Co mosz robić:
- bydziesz bakać z innymi synkami i pierońsko fajnymi frelami
- musisz cyrklować robota co by dać pozor na czas kiery mo żeby to wszysko połonaczyć,
- łomać se łeb jako by szło to co momy zrobić inksze, gryfniejsze i tak pierońsko proste żeby Ci inni mogli na tym robić.
Co by my chcieli:
- żebyś mioł grajfka do PHP 5 i „obiektowych wzorców projektowych”,
- żebyś mioł pochytane robiyni baz danych,
- SQLa musisz umieć i po ćmoku,
- rychtyk wiysz i umisz JavaScript, HTML 5, CSS 3, ale bez cyganienio,
- przinajmi jednego frameworka PHP tysz musisz poradzić,
- żebyś umioł potym łobejrzeć czy toś coś napochoł je dobre (git, svn),
- żebyś umioł, jak już to wszysko tam poonaczysz, naszkryflać po angielsku te wszyski papiory co potym idom do tych co mają robić na tym coś tam zrobiył.
Co Ci mogymy dać?
- uczciwy geld (4 tysionce złoty netto abo wiyncy. Ale to bydymy widzieć coś tam piyrwej robiył),
- robota cołki dziyń (8-16),
- możesz se też dychnyć w robocie na chwila żebyś nie zgup,
- papior jaki Ci tam pasuje – abo umowa na robota abo inkszo,
- geld ekstra do tych co dupiom fest,
- bydziesz mioł belfrow łod nos ale tysz inkszych co mają łeb i co umiom Cie poszkolić,
- glejt, kery pokazujesz i możesz se za darmo wlyź na basyn abo poszarpać żelastwym abo kaj tam chcesz,
- glejt na kery możesz iś do dochtora bez czekanio,
- rychtyk dobro kawa z fusami ale i bez,
- chopie, abo babo - bydziesz robiył abo robiyła z inkszymi, co już com u nas i mają dupny anung,
- zecel w Cyntrum Gliwic wele bany. Ale czerwonym tysz możesz przijechać. Abo autym jak mosz blisko z DTS,
- szłoby tysz pogodać jakbyś chcioł trocha robić w doma.
Dziołcho, chopie przidź pogodać!
Nie gańbuj sie yno wciepnij CV na mejla [email protected]. Yno co byś nie zapomnioł naszkryflać że mogymy se łonaczyć to co nom napiszesz:
„Wyrażam zgodę na przetwarzanie moich danych osobowych zawartych w ofercie pracy dla potrzeb procesu rekrutacji zgodnie z ustawą z dnia 27.08.1997r. Dz. U. z 2002 r., Nr 101, poz. 923 ze zm.”
wersja polska: http://www.positive-power.pl/PHP-Developer